15 кастрычніка прайшла выязная вучоба спецыялістаў РУП «Галоўдзяржбудэкспертыза» Дзяржаўнага камітэта па стандартызацыі Рэспублікі Беларусь. Дзяржаўная экспертыза дакументацыі з'яўляецца адным з асноўных напрамкаў дзяржаўнага рэгулявання ў галіне архітэктурнай, горадабудаўнічай і будаўнічай дзейнасці і праводзіцца для прыняцця заказчыкамі, забудоўшчыкамі, інвестарамі аб'ектыўных і абгрунтаваных рашэнняў па будаўніцтве аб'ектаў з захаваннем дзяржаўных прыярытэтаў у галіне бяспекі аб'ектаў будаўніцтва. Пры правядзенні дзяржаўнай экспертызы ажыццяўляецца ацэнка адпаведнасці аб'екта дзяржаўнай экспертызы патрабаванням нарматыўных прававых актаў.

Галоўны тэхнолаг Ю. А. Хмелінка і начальнік аддзела тэхнічнай эксплуатацыі і абслугоўвання будынкаў і збудаванняў Гарадзейскага цукровага камбіната В. А. Крывель правялі экскурсію па прадпрыемстве, азнаёмілі гасцей з дасягненнямі прадпрыемства і тэхналагічнымі прамудрасцямі вытворчасці салодкай прадукцыі.